Bakı aeroportu: Dumana baxmayaraq, bütün uçuşlar cədvələ uyğun həyata keçirilir

Bakıda dekabrın 3-də səhər saatlarında müşahidə olunan dumana baxmayaraq Heydər Əliyev Beynəlxalq Hava Limanında təyyarələrin qəbulu və yola salınması cədvələ uyğun həyata keçirilir.

Avtosfer.Az xəbər verir ki, bu barədə Trend-ə hava limanından bildiriblər. Məlumata görə, duman hava limanının işinə təsir etməyib.

"Təyyarələrin qəbulu və yola salınmasında gecikmə müşahidə olunmur. Hər hansı reysin ləğv olunması barədə hələlik məlumat yoxdur", - deyə hava limanında bildiriblər.