Bakı Beynəlxalq Avtovağzalından 50 mindən çox sərnişin yola salınıb

Bakı Beynəlxalq Avtovağzal Kompleksi bayram günlərində rayonlara daşınan sərnişinlərin sayını açıqlayıb. Avtosfer.az xəbər verir ki, qurumun sahə rəisi Məhəmməd Abdullayevin trend-ə bildirib ki, bayram günlərində Bakı Beynəlxalq Avtovağzal Kompleksindən 50 min nəfərdən artıq sərnişin yola salınıb. Onun sözlərinə görə, bu müddətdə rayonlara 1900-dən artıq nəqliyyat vasitəsi yola salınıb: "Hazırda rayonlardan Bakıya gələn sərnişinlərin sayında artım var, müvafiq olaraq, Bakıya gələn avtobusların sayı artırılıb. Bakı Beynəlxalq Avtovağzal Kompleksi artıq adi rejimdə işini davam etdirir".