Bakı funikulyorunun fəaliyyəti tezliklə bərpa olunacaq

Bir neçə aydır fəaliyyətini dayandıran Bakı funikulyoru hələ də xidmət göstərmir. Funikulyor İdarəsinin rəisi Tofiq İsmayılov "Report"a bildirib ki, qurğunun çalışmaması texniki məsələdir və xarab olan hissənin gətirilməsini gözləyirik: "Xarab olmuş hissə gətirilən kimi funikulyorun fəaliyyəti bərpa olunacaq".

Qeyd edək ki, Bakı funikulyoru 1960-cı ildən fəaliyyət göstərir və 2 stansiyası var. Stansiyalararası məsafə 455 metrdir. Funikulyor saatda orta hesabla 2 min sərnişini daşımaq imkanına malik olub. 1980-ci illərin sonlarında qəza vəziyyətində olduğu əsas gətirilərək bağlanıb və 2001-ci ilin sonunda yenidən istifadəyə verilib. Bakı funikulyoru sonuncu dəfə 2012-ci il mayın 23-də əsaslı təmir və yenidənqurmadan sonra yenidən istifadəyə verilib.