Bakı Gəmiqayırma Zavodu vergilərdən azad edilib - 5 il müddətinə

Qaradağ Sənaye Parkının rezidenti olan "Bakı Gəmiqayırma Zavodu" MMC 5 il müddətinə fəaliyyəti üçün lazım olan malların təqdim edilməsi, işlərin görülməsi və xidmətlərin göstərilməsinə görə vergilərdən, bütün növ malların idxalı üçün gömrük rüsumlarından, eləcə də məcburi sosial sığorta haqqı ödəməkdən azad edilib.

Avtosfer.az "report"a istinadən xəbər verir ki, bu, Prezident İlham Əliyevin müvafiq fərmanları ilə qüvvəyə minmiş "Vergi Məcəlləsində dəyişikliklər edilməsi haqqında", "Gömrük tarifi haqqında" və "Sosial sığorta haqqında" qanunlara edilmiş dəyişikliklərdən sonra mümkün olub.

Fərmanlara əsasən, vergilərdən azadetmələr bu il mayın 1-dən qüvvəyə minib.