Bakı-Göygöl avtobus reysinin hərəkət qrafikinə dəyişiklik edilməsi təklif olunur

Nəqliyyat naziri Ziya Məmmədov bu gün Samux şəhərində Daşkəsən, Göygöl və Samux rayonlarında yaşayan vətəndaşların qəbulunu keçirib. Автосфер.аз хябяр верир ки, бу барядя  Nazirlikdən "Report"a verilən məlumata görə, Z.Məmmədov görüşdə sakinlərin şikayət və təkliflərini dinləyib.

Vətəndaşların müraciətlərinə əsasən, Daşkəsən-Mingəçevir-Bakı müntəzəm avtobus marşrut xəttinin və Göygöl-Qazax-Qırmızı Körpü yeni marşrut xəttinin açılmasına köməklik göstərilməsi, eləcə də Bakı-Göygöl-Bakı marşrut xətti üzrə hərəkət qrafikində müəyyən dəyişikliklər edilməsi təklif olunub. Samux və Göygöl şəhərlərində müasir standartlara uyğun avtovağzal kompleksinin layihələndirilməsi və tikintisi ilə bağlı təkliflər, vətəndaşların qaldırdığı məsələlərlə bağlı müraciətlərə baxılıb. 

Vətəndaşların digər müraciətləri ilə bağlı Nazirliyin aidiyyəti qurumlarının rəhbərlərinə tapşırıqlar verilib. Nazirliyin səlahiyyətlərinə aid olmayan müraciətlər isə müvafiq təşkilatlara çatdırılıb.