Bakı Metropoliteni "Qəbələ"nin müraciətini müsbət cavablandırıb

Bakı Metropoliteni "Qəbələ" İdman Klubunun müraciətini cavablandırıb. Avtosfer.az xəbər verir ki, bu barədə "Report" klubun rəsmi saytına istinadən verdiyi məlumata görə, qurum bu gün iş rejiminin saat 01:00-dək uzadılması xahişinə müsbət reaksiya verib. 

Klub bununla əlaqədar Bakı Metropoliteninə təşəkkürünü bildirib. 

Qeyd edək ki, müraciət "Qəbələ"nin UEFA Avropa Liqasının qrup mərhələsi çərçivəsində Bakıda "Bakcell Arena"da (8-ci km stadionu) Fransanın "Sent-Etyen" komandası ilə saat 22:00-da start götürəcək görüşünün gec başa çatacağı ilə əlaqədar ünvanlanıb.