Bakı metrosunda həyəcanlı anlar yaşandı

Bakı Metropoliteninin “Ulduz” stansiyasında tüstülənmə ilə bağlı yayılan məlumat həqiqəti əks etdirmir. Bu barədə Trend-ə “Bakı Metropoliteni” Qapalı Səhmdar Cəmiyyətinin mətbuat xidmətinin rəhbəri Nəsimi Paşayev məlumat verib. Onun sözlərinə görə, sərnişin maşinistə “Ulduz” stansiyasında 7 saylı qatarda tüstülənmə ilə bağlı məlumat verib: “Lakin məlum olub ki, qatarda tüstülənmə olmayıb. Qatarın kondisionerində buxarlanma baş verib. Maşinist qatarın kondisionerini söndürüb və buxar dayandırılıb". N.Paşayev qeyd edib ki, hazırda qatarlarda heç bir problem yoxdur: “7 saylı qatar hərəkətini davam etdirir”.

22:08

Bir neçə saat əvvəl “Ulduz” metrostansiyasında həyəcanlı anlar yaşanıb. Avtosfer.az “Qafqazinfo”ya istinadən xəbər verir ki, bu barədə sosial şəbəkədə gənc jurnalist Şahin Sərdarlı məlumat yayıb.  O bildirib ki, saat 20:07 radələrində 007 nömrəli qatarın 2-ci vaqonunda tüstülənmə hadisəsi baş verdi.  Vaqondakı kondisonerdən başlayan səslərdən sonra vaqona bir neçə saniyə tüstü dolmağa başlayıb. Hadisə ilə əlaqədar sərnişinlər təxliyyə edilib.