Bakı metrosunda musiqili proqram təşkil olunacaq

"Bakı Metropoliteni" QSC növbəti sosial layihəni gerçəkləşdirəcək. Ümummilli lider Heydər Əliyevin anadan olmasının 94-cü ildönümü və 10 may - Gül Bayramı münasibətilə stansiyalarda artıq ənənə halını almış musiqili proqram təşkil olunacaq.

QSC-dən Avtosfer.az-a verilən məlumata görə, metropolitendən istifadə edən sərnişinlərə bayram ovqatı bəxş etmək məqsədilə mayın 10-u sərnişin axını daha çox olan bir neçə stansiyanın vestibülündə konsert proqramının təşkili nəzərdə tutulub.

Konsert proqramının afişasını sərnişinlərin nəzərinə çatdırırıq:

- “İçərişəhər” stansiyası – saat 13:00-14:30;

- “28 May” stansiyası – saat 14:00-15:30;

- “Elmlər Akademiyası” stansiyası – saat 15:00-16:30;

- “Memar Əcəmi” stansiyası (Bənövşəyi xətt) – saat 16:00-17:30.