Bakı metrosunda nə baş verib? - AÇIQLAMA

Ötən gecə Bakı Metropolitenində bir neçə qatarın dalbadal depoya göndərilməsi barədə məlumat yayılıb. Bu barədə sərnişinlər bildirib ki, hadisə saat 22:00-dan sonra baş verib: "Bir-birinin ardınca 6 qatar "Bakmil" stansiyasına göndərildi. Sonra isə şəhər istiqamətində "Həzi Aslanov" qatarını qoşdular".

Avtosfer.az xəbər verir ki, bu barədə "qafqazinfo" Bakı Metropolitenin mətbuat xidmətinin rəhbəri Nəsimi Paşayevlə əlaqə saxlayıb. N.Paşayev belə bir problemin yaşanmadığını qeyd edib: "Bizim deponun, ümumiyyətlə, 6 qatarı dalbadal qəbul etmək gücü yoxdur. Sadəcə, axşam saatlarından sonra qatarların intervalında dəyişiklik olur. Həmin saatlarda da ilk qatar 22:29-da, sonrakı qatar isə 22:46-da "Nərimanov"dan depoya gedib".