Bakı metrosunda nə baş verib? - Sərnişinlər təşvişə düşdü - VİDEO

Bu gün Bakı metropoliteninin “Sahil” stansiyasında eskalatorda qəfil dayanıb.

Avtosfer.az-ın verdiyi məlumata görə, hadisə 18:56 radələrində baş verib.

Sərnişinlər eskalatordan piyada düşməyə məcbur olublar. Sərnişinlərin bəziləri təşvişə düşüblər. İlk olaraq eskalatorun texniki nasazlıq səbəbindən dayandığını düşünüblər.

Hadisə barədə məlumat almaq üçün Bakı metropoliteni ilə əlaqə saxladıq. Qurumun mətbuat xidmətinin rəhbəri Bəxtiyar Məmmədov BAKU.WS-ə bildirdi ki, əslində eskalator texniki nasazlıq səbəbindən dayanmayıb.

“Sərnişin hər hansısa zərurət olmadan təhlükəsizlik düyməsindən istifadə edib. Dərhal qoşublar. Yəni problemli heç nə olmayıb”, - deyə qurum rəsmisi bildirib.

baku.ws