Bakı Nəqliyyat Agentliyi daşıyıcılar qarşısında tələblər qoydu

Bakı Nəqliyyat Agentliyi daşıyıcılar qarşısında tələblər qoyduBakı Nəqliyyat Agentliyi (BNA) daşıyıcılar qarşısında yeni tələblər qoyub. Bu barədə BNA-nın İctimai əlaqələr və maarifləndirmə şöbəsinin müdiri Mais Ağayev məlumat verib. BNA rəsmisi bildirib ki, yeni tələblərə əsasən, daşıyıcılar ya nəqliyyat vasitələrini əsaslı təmir edib yeniləməli ya da yenisini almalıdırlar: “Artıq bu tələbə uyğun olaraq 1000-ə yaxın nəqliyyat vasitəsi əsaslı təmir edilib. Onların 700-ə yaxını bu ilin, qalanları isə ötən ilin payına düşür”.

M.Ağayevin sözlərinə görə, bütün daşıyıcıların kart sisteminə keçidi avtobus bazası tam yeniləndikdən sonra mərhələylə olacaq: “Hələlik 19 xətt üzrə 478 avtobus kart sistemi ilə fəaliyyət göstərir”.

Şöbə müdiri deyib ki, avtobuslarda normal havalandırma sisteminin təmin edilməsi üçün işlər davam etdirilir: “Avtobusların texniki baxımdan qoyulan tələblərə cavab verməsi, normal havalandırma sisteminin təmin edilməsi istiqamətində işlərimiz davam edir”.