Bakı-Qazax-Gürcüstan magistralında hərəkət bərpa olunub - VİDEO

Bakı-Qazax-Gürcüstan magistralında nəqliyyatın hərəkəti bərpa olunub. Avtosfer.az "Report"a istinadən xəbər verir ki, magistralın Goranboy rayonunun ərazisindən keçən hissəsində yük maşınının aşması həmin yolda nəqliyyatın hərəkətini məhdudlaşdırıb. Yük maşını ərazidən götürülüb və magistrala dağılan yük yığışdırılıb. Bundan sonra magistralda nəqliyyatın hərəkəti bərpa olunub.

12:23

Goranboy rayonunda yol-nəqliyyat hadisəsi baş verib. 

Avtosfer.az "Report"a istinadən xəbər verir ki, Şəmkir rayon sakini, 1975-ci il təvəllüdlü Eldar Qasımov DAF markalı yük maşını ilə Bakı-Qazax-Gürcüstanla dövlət sərhədi avtomobil yolunda hərəkətdə olarkən idarəetməni itirib və yol kənarındakı dəmir maneələrə çırpılaraq aşıb.

Hadisə nəticəsində ölən və xəsarət alan olmasa da, yük ətrafa dağılıb və yol təsərrüfatına ziyan dəyib. Qəzaya yük maşınının sürücüsünün sükan arxasında yuxulamasının səbəb olduğu ehtimal edilir.

Faktla bağlı araşdırma aparılır.