Bakı-Şamaxı-Yevlax yolunda avtomobillərin hərəkəti tam bərpa olundu  

Bakı-Şamaxı-Yevlax yolunda avtomobillərin hərəkəti tam bərpa olunub. Avtosfer.az trend-ə istinadən xəbər verir ki, yolun buz bağlayan hissələri buzdan təmizlənib və avtomobillərin hərəkətində maneələr aradan qaldırılıb: "Yolun Təzəkənd, Cəngi yaşayış məntəqələri və Şamaxı şəhərindən keçən hissəsi qar və buzdan təmizlənib və avtomobillərin hərəkəti tam təmin olunub. Hazırda yolda heç bir problem yoxdur". Yolun 140 və 150-ci kilometrliyi - Ağsu dolayları isə 16 saylı Yol İstismar İdarəsinin canlı qüvvələri və texnikaları vasitəsilə qardan təmizlənib, Hazırda Ağsu dolayları ilə avtomobillər normal hərəkətini davam etdirir. Qeyd edək ki, fevralın 1-də yağan güclü qar nəticəsində Bakı-Şamaxı-Yevlax avtomobil yolunun bəzi hissələrində avtomobillərin hərəkəti çətinləşmişdi.