Bakı-Şamaxı yolunda sürüşmənin qarşısı alındı - YENİLƏNİB

Bakı-Şamaxı-Yevlax yolunun Şərədil kəndi ərazisindən keçən hissəsində baş vermiş torpaq sürüşməsi nəticəsində çökən yol təmir edilib. Avtosfer.az bildirir ki, bu barədə trend-ə "Azəravtoyol" ASC-nin mətbuat katibi Anar Nəcəfli deyib. Onun sözlərinə görə, hazırda həmin ərazidə sürüşmənin qarşısı alınıb: "Sürüşüb yola doğru gələn torpaq qatı xüsusi texnikalar vasitəsilə çıxarılaraq kənara daşınıb. Təqribən həmin ərazidən 6-7 min kub torpaq daşınıb, bu günlər ərzində xüsusi terras yaradılıb və digər qabaqlayıcı tədbirlər görülüb". A.Nəcəfli bildirib ki, ərazidə hazırda problem müşahidə olunmur.

Anar Nəcəflinin yaydığı son açıqlamada isə bildirilir ki, Bakı-Şamaxı-Yevlax yolunda sürüşmənin qarşısı alınması xəbəri ilə bağlı yanlışlıq baş verib. Belə ki, sürüşmənin qarşısı sözügedən avtomobil yolunun Şərədil kəndi ərazisindən keçən hissəsində deyil, 106-cı kilometrliyində alınıb. Bilirsiniz ki, həmin ərazidə martın 25-də sürüşmə baş vermişdi və yamacda olan torpaq qatı yola doğru hərəkət edərək, yolkənarına tökülürdü. Dərhal həmin əraziyə əməkdaşlarımız və lazımi texnika cəlb olundu. Dayanmadan aparılan işlər nəticəsində sürüşmənin qarşısını hələlik almaq mümkün olub. Bu günlər ərzində gecə-gündüz xüsusi texnikalar vasitəsi ilə sürüşüb yola doğru gələn torpaq qatı çıxarılaraq kənara daşınıb. Təqribən həmin ərazidən 6-7 min kub torpaq daşınıb, Bu günlər ərzində xüsusi terras yaradılıb və digər qabaqlayıcı tədbirlər görülüb. Hazırda ərazidə hazırda sürüşmə müşahidə olunmur.

O ki, qaldı Bakı-Şamaxı-Yevlax yolunun Şərədil kəndi ərazisindən keçən hissəsinə orda sürüşmə və çökmə hadisəsi qeydə alınmışdı. Həmin ərazidə çökmüş ərazi bərpa olunub, sürüşmənin təkrarlanacağı təqdirdə avtomobil yoluna ziyan vurmasın deyə qabaqlayıcı tədbirlər görülür və bu istiqamətdə işlər hazırda da davam etdirilir.

Emin