Bakı-Sumqayıt qatarlarından hər gün 4 min nəfər istifadə edir

Bakı-Sumqayıt elektrik qatarlarının xidmətindən hər gün təqribən 4 min nəfər yararlanır. Avtosfer.az trend-ə istinadən xəbər verir ki, bunu jurnalistlərə "Azərbaycan Dəmir Yolları" QSC-nin sədri Cavid Qurbanov deyib.

O qeyd edib: "Biz Bakı-Sumqayıt dəmir yolunu tamamilə təmir etdik. Bundan başqa, biz Bakı dairəvi dəmir yolunun təmirinə başlamışıq. Bu dəmir yolu Bakı-Sumqayıt marşrutuna qoşulacaq".

C.Qurbanovun sözlərinə görə, Bakı dəmir yolu vağzalının müasirləşdirilməsi artıq başa çatmaq üzrədir: "Əsas bina təmir edilib, bütün platformalar və obyektlər yenidən qurulub. Vağzalın xarici görünüşünü korlayan ticarət obyektləri yenilənəcək. Əsas binanın ikinci mərtəbəsində ASAN xidməti yerləşdiriləcək".