Bakı-Tbilisi aviareysi təxirə salınıb

Bakı-Tbilisi aviareysi təxirə salınıb. Avtosfer.az-ın APA-ya istinadən məlumatına əsasən, buna səbəb qatı duman səbəbindən Tbilisi beynəlxalq hava limanının aviareysləri qəbul edə bilməməsidir. AZAL şirkətinin J 2 9225 saylı reysi  saat 22:00-da Bakıdan yerinə yetirilməli idi. Təyyarə Tbilisi beynəlxalq hava limanına yerli vaxtla saat 23:10-da enməli idi. Reysin nə vaxt yerinə yetiriləcəyi hələ ki, məlum deyil. Qatı dumana görə Tbilisi beynəlxalq hava limanında aviareyslərin qəbulu və yola salınmasında problemlər yaranıb. Hava limanı artıq 10-a yaxın aviareysin qəbulunu ləğv edib.