Bakıda 10 günün "BMW"si qəzaya düşdü – Eyni yerdə - FOTOLAR

Bakıda svetoforların düzgün işləməməsi və ərazidə müşahidə kamerasının olmaması daha bir yol qəzasına səbəb olub. Hadisə şahidlərinin Avtosfer.az-a verdiyi məlumata görə, Hənifə Ələsgərov küçəsi ilə Ceyhun Hacıbəyli küçəsinin kəsişməsində "Mercedes" və "BMW" markalı avtomobillər toqquşub. Hadisə nəticəsində hər iki avtomobili ciddi ziyan dəyib. Qəzada iştirak edən "BMW" 10 gün əvvəl alınıbmış.

Qeyd edək ki, hadisə baş verən ərazidə svetoforlar düzgün işləmir. Bəzən hər iki istiqamətdə eyni vaxtda hərəkətə icazə verildiyi üçün bu cür yol qəzaları baş verir. Ərazidə yaşayan sakinlər bildirir ki, yol polisinə dəfələrlə müraciət olunsa da, nə svetofor düzəlir, nə də əraziyə kamera qoyulur.

Elmin