Bakıda 18 və 19 yaşlı iki qız yoxa çıxıb - AXTARIŞ BAŞLAYIB

Bakıda iki qız itkin düşüb. Avtsofer.az lent.az-a istinadən xəbər verir ki, Binəqədi rayon Rəsulzadə qəsəbəsində yaşayan 19 yaşlı Ayşən Yunusova (ad və soyadlar şərtidir) noyabrın 7-də saat 08 radələrində evdən çıxıb və bir daha geri qayıtmayıb. Bundan başqa Biləcəri qəsəbəsindəki hərbi şəhərcikdə yaşayan 18 yaşlı Səbinə Səmədova noyabrın 14-də itkin düşüb. Bildirilir ki, hər iki qızın itkin düşməsi ilə bağlı polisə anaları müraciət edib. Onlar qızların fotolarını və xarakterik əlamətlərini polisə təqdim ediblər. Axtarış tədbirləri həyata keçirilir.