Bakıda avtomobil qəzasına düşən qadın 17 gün sonra xəstəxanada ölüb

Bakıda 3 həftə əvvəl qəzaya düşən şəxs xəstəxanada ölüb. APA-nın məlumatına görə, fevralın 4-də Qaradağ rayonu Səngəçal qəsəbəsi ərazisində “KamAZ” markalı yük maşını ilə “VAZ 2106” markalı, 50 BM 133 dövlət nömrə nişanlı minik avtomobili toqquşub. Qəza nəticəsində minik avtomobilində olan sərnişin, 1959-cu il təvəllüdlü Sakit Haqverdiyev hadisə yerində, digər sərnişin Haqverdiyeva Gülgəz Nübala qızı isə ötən gün xəstəxanada dünyasını dəyişib.

Faktla bağlı başlanmış cinayət işi Cinayət Məcəlləsinin 263.3-cü (yol hərəkəti qaydalarını pozma - iki və daha artıq şəxsin ölümünə səbəb olduqda) maddəsinə tövsif olunub.