"Bakıda avtomobilimi güllələdilər" – VİDEO

“Təhminə” rolu ilə tanınan aktrisa Meral Konrat ARB TV-nin “Türk şou-maqazin” verilişinə maraqlı açıqlamalar verib. Avtosfer.az qafqazinfo-ya istinadla xəbər verir ki, türkiyəli aktrisa “Təhminə və Zaur” filminin çəkilişi zamanı yaşadığı təhlükəli anlardan danışıb.

“Filmin çəkilişindən sonra Azərbaycana çox gedə bilmədim. Çəkilişdən 9 il sonra yenidən qayıdanda gözlərimə inana bilmədim. Çox dəyişib, inkişaf etmişdi. Bakıda yerlə-göy qədər fərq var idi. Çox xoşuma gəldi. Mən ilk dəfə Bakıya gələndə müstəqilliyinizi təzə qazanmışdınız.

Çətin zamanlar idi və mən də çox çətinlik çəkdim. Mənə dedilər ki, Azərbaycana getmə, ora təhlükəlidir. Sizin müharibə şəraitində olmanız hər kəsi qorxudurdu. Hətta bir neçə dəfə avtomobilim güllələndi. Amma bütün bunlara baxmayaraq, çox xoşbəxtəm ki, o filmə çəkildim”.