Bakıda bu ərazidə işıqforlar işləmir - VİDEO

Paytaxtın Yasamal rayonunda, Şərifzadə küçəsində yerləşən "Günəş Petrol" yanacaqdoldurma məntəqəsinin yaxınlığındakı işıqforlarda problem yaranıb.

Avtosfer.az xəbər verir ki, bu barədə “Baku.ws”in "qaynar xətti"nə məlumat daxil olub.

Məsələ ilə bağlı Daxili İşlər Nazirliyinin Nəqliyyatı İntellektual İdarəetmə Mərkəzindən (NİİM) sorğumuza cavab olaraq bildirildi ki, qeyd edilən yolda işıqforlarda yaranan texniki problemin qısa müddətdə həll edilməsi üçün zəruri işlər görülür.

Bu məqsədlə hazırda əməkdaşlar qeyd edilən ünvandadırlar. Sürücülərdən xahiş edilir ki, yollarda işıqforlar hansısa səbəbdən işləmədikdə və ya nizamlayıcı olmadıqda, yolayrıcı nizamlanmayan hesab olunur. Bu zaman onlar "Yol hərəkəti haqqında" Qanunun 77-ci maddəsində qeyd olunanları əsas götürərək yollarına davam etməlidirlər.