Bakıda daha 3 metro stansiyası tikilir - VİDEO

“Ağ şəhər” ərazisində yeni metro stansiyaları inşa ediləcək. “Ağ şəhər”də yaşayış binaları, ofislərlə birgə inşa edilən metro stansiyaları bu ərazidə yaşayacaq minlərlə insanın rahat mənzil başına çatmasını təmin edəcək. Yeni stansiyaların inşası ilk dəfə Babək prospekti ilə Nobel prospekti arasında inşa edilən yeni yaşayış sahələrinə, eləcə də NZS qəsəbəsi adlanan yerə metro ilə getmək imkanı yaradacaq. Bu isə ərazidə sıx şəbəkəyə malik olan ictimai nəqliyyatın yükünü azaltmış olacaq.

Qeyd edək ki, “Ağ şəhər” layihəsinin təməli 2011-ci ilin dekabrın 24-də qoyulub. İndiyə qədər “Ağ şəhər”in 10 rayonundan 6-ı ekoloji baxımdan tamamilə təmizlənib və ərazidə yeni binalar inşa edilir. Ərazidə inşa edilən metro stansiyaları da “Ağ şəhər” layihəsinin tərkib hissəsidir.