Bakıda əlbəyaxa dava - Marşrut sürücüsü döyüldü

Binəqədi rayonunda sürücülər arasında dava düşüb. Avtosfer.az milli.az-a istinadən xəbər verir ki, hadisə rayonun Rəsulzadə qəsəbəsində qeydə alınıb. Davaya səbəb sürücülərin bir-birlərinə yol verməməsi olub. Münaqişə tərəflərindən biri 133 saylı marşrut avtobusunun sürücüsü olub. "Wolksvagen" markalı avtomobili idarə edən şəxs avtobusun sürücüsünə yolda onun qarşısını kəsdiyini söyləyərək təhqir edib. Təhqirin cavabı isə əlbəyaxa dava ilə nəticələnib.

Tərəfləri yol polisinin əməkdaşları aralayıblar.