Bakıda eyni körpüdə növbəti faciə - Millinin azarkeşi yıxıldı - FOTO

Xəbər verdiyimiz kimi, DÇ-2018-in seçmə mərhələsi çərçivəsində Azərbaycan-Norveç oyunu keçirilib. Oyuna baxmağa gələn azarkeşlərdən biri stadiona gedən yolda yıxılıb. Adı hələlik məlum olmayan vətəndaş “bardür”ü aşmaq istəyərkən körpüdən yıxılıb. Vəziyyəti ağır olan şəxs təcili tibbi yardımla xəstəxanaya aparılıb.

Qeyd edək ki, bu hal sözügedən körpüdə yaşanan birinci hadisə deyil. Belə ki, bu ilin mayında Bakı Olimpiya Stadionunda baş tutan Azərbaycan-Portuqaliya oyunundan qayıdan azarkeş həmin yerdən yıxılaraq vəfat etmişdi. 

***

Futbol11.az-ın məlumatına görə, körpüdən yıxılan azarkeş Nahidov Nahiddir. Hadisədən dərhal sonra 3 saylı Sabunçu Klinik Xəstəxanasına aparılan Nahidovun vəziyyəti ağırdır. Məlumatı onun aparıldığı xəstəxanadan da təsdiqləyiblər.