Bakıda geylərin toyu olduğu restorandan AÇIQLAMA

“Qızılqaya” şadlıq sarayının rəhbərliyi orada həmcinslərin toyu barədə yayılan video və fotoşəkillərə münasibət bildirib. Şadlıq sarayının adının çəkilməsini istəməyən rəsmisi ilk olaraq foto və videoda əks olunanları təkzib etsə də, bizim israrlarımızdan sonra danışmağa başladı. Avtosfer.az xəbər verir ki, o, modern.az-a bildirib ki, şadlıq sarayında belə bir toy olmayıb: “Bizə müraciət edən şəxslərlə yaşlı bir qadının yubileyinin keçirilməsi üçün razılaşmışdıq. Mərasim üçün hazırlıqlar görüldü, məclis başladı. Bir müddət sonra həmin “kişi” təmtəraqlı geyimdə məclisə təşrif buyurdu. Biz şadlıq sarayı olaraq onu məkanımızdan çıxara bilməzdik. Çünki, o, ev sahibinin ad gününə dəvətlilər içərisində idi”.

Onun sözlərinə görə, daha sonra həmin gəlin qiyafəsində olan “kişi” masada əyləşərək insanlarla şəkil çəkdirməyə başlayıb:

“Bu da həmin şəkillərdən bəziləridir. Bizim əlimizdə həmin ad günü tədbirinin videogörüntüsü də var. Mətbuatda yayılanlar reallıqdan uzaq, hazırlanmış şəkildə cəmiyyətə təqdim olunub”.

Qeyd edək ki, yayılan foto və videoda məclisin əsasən geylərdən təşkil edildiyi aydın görünür. Yayılan məlumatlarda “gəlin”in adının Aydın olduğu bildirilir.