Bakıda keçirilən forum gələcək əməkdaşlıqlar üçün imkanlar yaradır – Barbara Holtman - FOTO

Paytaxtda keçirilən Ümumdünya Şəhərsalma Forumunun 13-cü Sessiyasında inkişaf etmiş ölkələrin insan yönümlü şəhər konsepsiyası nümunə kimi digər ölkələrə təqdim olunub.

Müzakirələr zamanı bir sıra şirkətlərin nümayəndələri özlərinin yeni layihələrini təklif edib.

Cənubi Afrikadan gələn və “Fixed Africa” təşkilatında çalışan Barbara Holtman Avtosfer.az-a müsahibəsində bildirib ki, Bakı onun üçün gözlənilməz dərəcədə müsbət təəssürat yaradıb. Şəhər həm gözəlliyi, həm də inkişaf etmiş urban mühiti ilə diqqət çəkir.

Barbara səfər çərçivəsində müxtəlif sahələrdə fəaliyyət göstərən mütəxəssislərlə görüşdüklərini və xüsusilə şəhər təhlükəsizliyi (urban safety) istiqamətində geniş fikir mübadiləsi apardıqlarını qeyd edib. Qonaq bildirib ki, bu görüşlər onların iş sahəsi baxımından çox faydalı olub və yeni yanaşmaların formalaşmasına töhfə verib.

O, ümumilikdə Bakıda keçirdiyi vaxtı çox məhsuldar və uğurlu səfər kimi qiymətləndirib. Qonağın sözlərinə görə, burada aparılan müzakirələr və qurulan peşəkar əlaqələr gələcək əməkdaşlıqlar üçün mühüm imkanlar yaradır.

Eltac Zülfüqaroğlu