Bakıda keçmiş məmuru güllələyən şəxslər tutuldular

Gündəm 13 Aprel 2016 10:55 Oxunub 1077
Bakıda keçmiş məmuru güllələyən şəxslər tutuldular
WhatsApp kanalımıza abunə ola bilərsiniz
Hazırda cinayət işinin istintaqı Bakı şəhər Prokurorluğunda davam etdirilir

Bakıda baş verən silahlı insidentlə bağlı iki nəfər tutulub. 

Avtosfer.az xəbər verir ki, bu barədə Binəqədi rayon Polis İdarəsindən apa-ya verilən məlumata görə, həyata keçirilən əməliyyat-axtarış tədbirləri nəticəsində hadisəni törətməkdə şübhəli bilinən Ramil Fazil oğlu Hüseynli və Günel Rasim qızı Süleymanova saxlanılıblar. Polisdən bildirilib ki, saxlanılanlardan R. Hüseynli əvvəllər adam oğurluğu maddəsi ilə 12 il həbsxanada olub.

Hazırda cinayət işinin istintaqı Bakı şəhər Prokurorluğunda davam etdirilir.

Qeyd edək ki, aprelin 11-də Binəqədi rayonunun Cavadxan küçəsində, şəxsiyyəti məlum olmayan 2 nəfər həmin ərazidə kirayədə yaşayan Bərdə rayon sakini Hüseyn Qasımovun istiqamətində avtomat silahdan bir neçə dəfə atəş açıb. Nəticədə daban nahiyəsindən güllə yarası alan H.Qasımova xəstəxanada ilkin tibbi yardım göstərildikdən sonra buraxılıb. Binəqədi Rayon Polis İdarəsinin 7-ci Polis Bölməsi əməkdaşları tərəfindən hadisə yerindən 10 ədəd 7,62 çaplı giliz götürülüb.

Güllə yarası alan H.Qasımov əvvəllər Bərdə Rayon İcra Hakimiyyətində işləyib.

ŞƏRH YAZ
Ad

E-mail

Şərh