Bakıda klassik maşınların yürüşü keçiriləcək

Avqustun 26-da klassik avtomobillərin yürüş və sərgisi təşkil ediləcək. Avtosfer.az xəbər verir ki, bu barədə Azərbaycan Avtomobil Federasiyası (AAF) məlumat yayıb. Federasiya 1980-ci ilədək istehsal olunan klassik avtomobillərin sahiblərini tədbirdə iştiraka dəvət edib. Qurumdan bildiriblər ki, klassik avtomobillərin sahibləri 22 avqust saat 18:00-dək Avtomobil Federasiyasında qeydiyyatdan keçə bilər. Qeydiyyatdan keçən avtomobil və sahibləri 26 avqust saat 15:30-da Heydər Əliyev Mərkəzinin qarşısında olmalıdır.

Heydər Əliyev Mərkəzinin qarşısından start götürəcək avtomobillər Bakı şəhəri üzrə yürüş edəcək. İştirak etmək istəyən şəxslərdən qeydiyyat üçün (012) 505-60-03 və ya (050) 295-01-00 telefon nömrələri, eləcə də [email protected] elektron poçt ünvanı ilə əlaqə saxlamaları xahiş olunur.

Qeyd edək ki, yürüşdən sonra Heydər Əliyev Mərkəzinin parkında konsert və əyləncə proqramı təşkil olunacaq.