Bakıda «Opel», Xaçmazda «VAZ» yandı
Gündəm
6 Fevral 2016 01:51
Oxunub 1369
Hər iki yanğın yanğınsöndürənlər tərəfindən söndürülüb
Bakıda yanğın hadisəsi qeydə alınıb. Avtosfer.az-ın Fövqəladə Hallar Nazirliyinin (FHN) saytına istinadən verdiyi xəbərə görə, Bakının Yasamal rayonunda vətəndaşa məxsus “Opel” markalı minik avtomobilinin mühərrikində elektrik avadanlıqları yanıb. Avtomobilin qalan hissəsi yanğından mühafizə olunub. Yanğın saat 20:05-də yanğınsöndürənlər tərəfindən söndürülüb.
Axşam saatlarında Xaçmaz şəhərində də yanğın baş verib. Nəriman Nərimanov prospektində hərəkətdə olan 1984-cü il təvəllüdlü Xaçmaz rayon sakini Mehrəliyev Rəcəb Gülbaba oğlunun idarə etdiyi 66 BY 068 dövlət nömrə nişanlı “VAZ 21 013” markalı minik avtomobili qəfil alışıb. Əraziyə Fövqəladə Hallar Nazirliyinin Xaçmaz Dövlət Yanğından Mühafizə Hissəsinin 2 yanğınsöndürən maşını və canlı qüvvəsi cəlb olunub, alov söndürülüb. Yanğın avtomobilin salon hissəsini əhatə edib. Hadisə zamanı xəsarət alan olmayıb. Yanğının səbəbləri araşdırılır.
Emin
ŞƏRH YAZ
