Bakıda parkda təmir başladı: piyadalar təhlükədə - FOTO

Statistika İdarəsinin qarşısında yerləşən parkda bu gün səhərdən söküntü işləri başlayıb. Avtosfer.az baku.ws-ə istinadən xəbər verir ki, bağlanan parkda hazırda tametlərin və səki daşlarının sökülməsi prosesi gedir. Onu da qeyd edək sözügedən parkda Mikayıl Müşfiqin büstü də yerləşir. Düz parkın qarşısında piyada keçidinin yerləşməsi isə təmir sonra başağrısına çevrilib. Belə ki, yolun əks tərəfinə keçən piyadalar qarşılarında mane görərək əks tərəfə keçmək üçün yol qırağı ilə getməyə məcbur olurlar. Parkın əks tərəfinə keçmək üçün pilləkənlər bağlı olduğundan onlar avtomobillər hərəkət edən yolla parkın başına dövrə vuraraq əks tərəfə keçirlər. Bu isə piyadaların həyatı üçün çox təhlükəlidir. "Azəravtoyol”un mətbuat xidmətinin rəhbəri Anar Nəcəflinin məlumatına görə, hazırda parkda həyata keçirilən söküntü işləri "Sovetski” kimi tanınan ərazinin yenilənməsi ilə bağlıdır. Anar Nəcəfli Mikayıl Müşfiqin büstünün əvvəlki yerində qalacağını da bildirib. O, bildirib ki, gələcəkdə Statistika dairəsinin genişləndirilməsi zamanı isə bu ərazidən istifadə ediləcək. Həmin vaxt isə büstün yerinin dəyişdiriləcəyi nəzərdə tutulub.