Bakıda polis bölmələrindən birinin rəisi dəyişdirilib

Daxili işlər orqanlarında yeni təyinat olub. Avtosfer.az-ın “Report”a istinadən xəbərinə görə, Bakı şəhəri, Xətai Rayon Polis İdarəsinin 36-cı Polis Bölməsinin rəisi, polis polkovnik-leytenantı Vidadi Qurbanov vəzifəsindən azad olunub. Onun yerinə polis polkovniki Sahib Babayev təyin edilib. Bu təyinata qədər S.Babayev Xəzər Rayon Polis İdarəsinin 2-ci Polis Bölməsinin rəisi vəzifəsində çalışıb.