Bakıda qəzalı vəziyyətdə olan bina: sakinlər təhlükədədir - VİDEO

Yataqxana binası qəzalı vəziyyətdədir. Söhbət Səbail rayonu, Badamdar qəsəbəsi, Seyran Məmmədov 3 ünvanından gedir. Bina gəmi təmiri zavodunun yataqxanası olub. Bir vaxtlar bu zavodda çalışanlara verilən bina indi bərbad vəziyyətdədir. Sakinlər deyirlər ki, problemlə bağlı dəfələrlə aidiyyəti qurumlara müraciət etsələr də, vəziyyət dəyişməz olaraq qalıb. Məsələdən Səbail Rayon İcra Hakimiyyətində də xəbərdardırlar.

Qurumdan bildirildi ki, sözügedən yataqxana Fövqəladə Hallar Nazirliyinin müvafiq rəyinə əsasən, qəzalı vəziyyətdədir. İcra Hakimiyyətindən o da qeyd olundu ki, məsələ ilə əlaqədar aidiyyəti qurumlara rəsmi müraciətlər ünvanlanıb.

Daha ətraflı videomaterialda.