Bakıda təhlükəli piyada keçidi – FOTO

Bakıda piyada keçidlərindən biri sürücülər üçün təhlükə yaradır. Avtosfer.az-ın lent.az-a istinadən məlumatına görə, Bakı, Xətai, Zığ şosesi, Kombinat ərazisində yerləşən piyada keçidinin “alçipan” üzlüyü qəzalı vəziyyətdədir. Məsələ ilə bağlı aidiyyəti qurum olan “Azəravtoyol” ASC ilə əlaqə saxladıq. Qurumun mətbuat xidmətinin rəhbəri Anar Nəcəfli bildirib ki, məsələdən agah olan kimi əməkdaşları həmin əraziyə göndəriblər: “Əməkdaşlarımız hazırda ərazidədir. Qəzalı vəziyyətdə olan sadəcə kiçik bir hissədir. Həmin hissə təmir olunacaq. Təmirlə bağlı yolun bağlanması nəzərdə tutulmayıb”.