Bakıda uşaqlar marketdən qril aldı, içindən qurd çıxdı - VİDEO

Paytaxtda marketlərdən birində satılan təndir qrili ilə bağlı narahatedici hadisə baş verib.
Avtosfer.az xəbər verir ki, vətəndaş bu barədə özünün sosial şəbəkə hesabında video yayıb. Qeyd edilən məlumatlara görə, vətəndaşlar aldıqları qril məhsulunda xoşagəlməz mənzərə ilə qarşılaşıblar. Videoda toyuğun içərisində hərəkət edən qurdların olduğu açıq-aşkar görünür.
Məhsulu uşaqlar alıb və onun yalnız kənar hissələrindən istifadə ediblər. Daha sonra məhsulun içərisinə baxıldıqda orada qurdların olduğu aşkarlanıb. 
Sosial şəbəkə istifadəçiləri görüntülərə sərt reaksiya verərək bu cür məsuliyyətsizlik hallarının artmasını və nəzarət mexanizmlərinin zəifliyini tənqid ediblər. Xüsusilə də azyaşlıların sağlamlığını təhdid edən belə halların qarşısının alınması üçün belə məhsulların satışa təqdim edilməzdən əvvəl laborator araşdırma və icazələrin tətbiqi ilə bağlı ciddi tədbirlərin görülməsi tələb olunub.

Fidan