Bakıda veloyürüş keçiriləcək

Heydər Əliyev Mərkəzi, Respublika Müalicəvi Diaqnostika Mərkəzinin (RMDM) nəzdində Bakı Ürək Mərkəzi və Azərbaycan Respublikası Velosiped İdmanı Federasiyası “Ümumdünya Ürək Günü” münasibətilə sağlam həyat tərzini, eləcə də müxtəlif yaşda insanlar arasında xeyirxah amallar naminə həmrəylik ideyalarını təbliğ etmək məqsədilə sentyabrın 29-da “Sağlam Ürək, Sağlam Həyat!”şüarı altında veloyürüş keçirəcək. Avtosfer.az salamnews-a istinadən xəbər verir ki, veloyürüşdə rəsmi dövlət nümayəndələri, ictimai xadimlər, sığorta təşkilatlarının nümayəndələri, Respublika Müalicəvi Diaqnostika Mərkəzində əməliyyat olunmuş və kardioreabilitasiyadan keçmiş şəxslər həkimləri ilə birgə iştirak edəcəklər.

Veloyürüşə sabah saat 10:00-da “Azneft dairəsi”ndə start veriləcək və Hökumət Evinin qarşısında yekun vurulacaq.