Bakıda xüsusi buraxılış vərəqələri veriləcək

""Baku City Circuit" şirkəti Bakıda keçiriləcək "Formula 1" Avropa Qran-Pri yarışı trasına bilavasitə bitişik ərazilərdə yaşayan və ya işləyən şəxslərin keçidinin təmin edilməsi üzrə geniş iş aparır".

Avtosfer.az trend-ə istinadən bildirir ki, bunu jurnalistlərə Bakı Şəhər Halqasının Marketinq və Kommunikasiya şöbəsinin rəhbəri Nigar Arpadarai deyib.

Onun sözlərinə görə, həmin ərazilərdə yaşayan və işləyənlər yaxın vaxtlarda xüsusi buraxılış vərəqələrinin alınması zəruriliyi barədə məlumatlandırılacaqlar: "Əhali və maşınlar üçün əraziyə xüsusi girişlər (çıxışlar) təşkil ediləcək".