Bakıda yeni avtobus marşrutu fəaliyyətə başlayır - Gedişhaqqı 50 qəpik
Gündəm
23 Sentyabr 2025 18:09
Oxunub 1120
Azərbaycan Yerüstü Nəqliyyat Agentliyi (AYNA) tərəfindən aparılan optimallaşdırma işləri çərçivəsində Bakının mövcud marşrutların hərəkət sxeminin dəyişdirilməsi və yeni xətlərin təşkili istiqamətində tədbirlər davam etdirilir.
Avtosfer.az xəbər verir ki, bu barədə AYNA məlumat yayıb.
Bildirilib ki, vətəndaşların rahat gediş-gəlişinin və ictimai nəqliyyata əlçatanlığının təmin edilməsi məqsədilə 24 sentyabr tarixindən 340 nömrəli müntəzəm avtobus marşrutu fəaliyyətə başlayacaq.
Yeni marşrut xətti Binə qəsəbəsinin Əli İsazadə küçəsini Mərdəkan qəsəbəsinin Hacı Zeynalabdin Tağıyev küçəsi ilə əlaqələndirəcək.
“ÇinarTrans” MMC-yə məxsus 10 ortatutumlu avtobus 10 dəqiqə hərəkət intervalı ilə sərnişinlərə xidmət göstərəcək. Marşrutda gedişhaqqı 0,50 AZN təşkil edir. Avtobuslarda ödəniş nağdsız qaydadadır.
ŞƏRH YAZ
DİGƏR XƏBƏRLƏR
