Bakıda yollar niyə çökür? – Keyfiyyətsiz asfalt, yoxsa. . . – RƏSMİ AÇIQLAMA - VİDEO

Son illərdə Azərbaycanda yol infrastrukturunun inkişafı istiqamətində mühüm layihələr həyata keçirilib. Magistral yollar, şəhər daxili küçələr, eləcə də regionlarda yeni yollar salınır, mövcud yollar isə əsaslı şəkildə yenidən qurulur.
Rəsmi qurumlar bu yolların beynəlxalq standartlara uyğun tikildiyini bildirsələr də, bəzi hallarda, xüsusən də intensiv yağıntılardan sonra bəzi ərazilərdə yol səthində çökmələr və çatlar müşahidə olunur. Bu isə ictimaiyyət arasında haqlı suallar doğurur:
Azərbaycanda yollar Avropa standartlarına uyğun qurulurmu? Yağışdan sonra hər dəfə yollarda niyə çökmələr yaranır?
Mövzu ilə bağlı Azərbaycan Avtomobil Yolları Dövlət Agentliyinin (AAYDA) mətbuat katibi Anar Nəcəfli Avtosfer.az-a açıqlamasında bildirib ki, yüzlərlə kilometr uzunluğa malik paytaxt küçələrinin hər hansı bir ərazisində çökmə baş verməsi həmin yolların keyfiyyətsiz tikilməsi və yaxud standartlara uyğun tikilməməsi anlamına gəlmir:

“Xüsusən iri şəhərlərdə kommunikasiya xətləri sırf küçə və prospektlərin altı ilə çəkilir. Onlarda hər hansısa xırda bir problem olduqda, bu, özünü asfalt-beton örtüyündə büruzə verir və çökmə qeydə alınır.
Paytaxt ərazisində qeyd olunan ünvanda çökmə hadisəsi qeydə alınmışdı. Dərhal agentliyimizin və aidiyyəti qurumların əməkdaşları əraziyə cəlb olundu, hava şəraitinə uyğun tədbirlər görüldü. Amma hava şəraiti düzələn kimi həmin problemin aradan qaldırılması istiqamətində addımlar atılacaq”.
Eltac Zülfüqaroğlu
İlham Əliyev Gürcüstanın baş nazirinin müavinini qəbul edib - FOTO
“Bədr müqaviləsi” ABŞ-ın hərbi sənaye bazarındakı mövqelərini zəiflədə bilər – POLİTOLOQ
Prezident Özbəkistanla iki sənədi təsdiqlədi
Dumanlı havada bu işıqları yandırmaq təhlükəlidir – XƏBƏRDARLIQ
Dağ yollarında avtobuslara məhdudiyyət qoyulmalıdırmı? – EKSPERT AÇIQLADI
Bakının bir sıra yollarında tıxac yarandı
Tramp, Putin və Su Cinpin Çində görüşəcək; nələr müzakirə ediləcək? - POLİTOLOQ
Ağac avtomobilin və ya evin üzərinə aşanda zərəri kim ödəyəcək? – EKSPERTDƏN AÇIQLAMA
Küləkli havada sürücülər nələrə diqqət etməlidir? – MÜTƏXƏSSİS
Küləkdə ölüm və xəsarət olmaması üçün nə edək? – AÇIQLAMA
Həftəyə tıxacla başladıq












