Bakı–Füzuli hava reysi üzrə xidmət tenderini AZAL qazandı

Dövlət Şəhərsalma və Arxitektura Komitəsi tərəfindən keçirilən tenderin nəticələri açıqlanıb. Avtosfer.az FED.az-a istinadən xəbər verir ki, satınalma Bakı–Füzuli–Bakı istiqamətində hava daşımaları xidmətlərinin göstərilməsini əhatə edir. Nəticədə qalib “Azərbaycan Hava Yolları” QSC (VÖEN: 9900000831) olub. Bağlanmış müqavilənin ümumi dəyəri 123 420 AZN təşkil edir. Bu müqavilə üzrə satınalma proseduru dövlət satınalmalarının vahid internet portalında keçirilməmişdir (elektron satınalma deyil).

Qeyd edək ki, “Azərbaycan Hava Yolları” QSC 2004-cü ildə yaradılıb, nizamnamə kapitalı 823 974 470 AZN təşkil edir. Şirkətin qanuni təmsilçisi Samir Rzayev Musa oğludur. Hüquqi ünvanı Bakı şəhəri, Nəsimi rayonu, Azadlıq prospekti, ev 11 ünvanında yerləşir.