Bakıya yağan güclü yağış bitsə də, fəsadları hələ də bitmir - VİDEO

Bir neçə gün əvvəl Bakıya yağan güclü yağış bitsə də, fəsadları hələ də qalmaqdadır.

Avtosfer.az xəbər verir ki, Binəqədi rayonunda sakinlər günlərdir çarəsiz qaldıqlarını bildirirlər. Rəsulzadə-Binəqədi şossesinin kənarında xüsusilə döngə 3 adlanan bu massivdə insanlar su əlindən evlərinə girməkdə çətinlik çəkirlər.

Sakinlər günlərdir çarəsizcə aidiyyəti qurumların köməyini gözləyirlər.

Məsələ ilə bağlı əvvəlcə Fövqəladə Hallar Nazirliyi ilə əlaqə saxladıq. Qurumdan "Xəzər Xəbər"ə bildirildi ki, sakinlər məsələnin həlli üçün aidiyəti üzrə rayon icra hakimiyyətindəki Fövqəladə Hallar Komissiyasına müraciət etməlidirlər.

Binəqədi rayon İcra Hakimiyyətindən isə cavab olaraq deyildi ki, həmin problemin həlli ilə bağlı icra hakimiyyəti aidiyyəti qurumlara müraciət edib.

Dövlət Su Ehtiyatları Agentliyinə də müraciət etdik. Bildirildi ki, Binəqədi rayon Sukanal İdarəsinin qəza briqadası qeyd olunan əraziyə göndərilib. Tullantı sularının yaşayış məntəqəsindən kənarlaşdırılması üçün işlər görülür.

Ətraflı videomaterialda.