“Baku Bus” ödəmə terminallarının az olması məsələsinə aydınlıq gətirdi

Paytaxt yollarında hərəkət edən “Baku Bus”-a məxsus avtobuslarda ödəniş kart vasitəsilə aparılır. Avtobus dayanacaqlarının hamısında bu terminalların olmaması bəzən problem yaradır.  Avtosfer.az xəbər verir ki, bu barədə “Baku Bus”–a məxsus ödəmə terminallarının dayanacaqların hamısında olmaması ilə bağlı şirkətin mətbuat xidmətinin rəhbəri  Nuridə Allahyarova atv.az-ın sorğusuna cavabında bildirib ki, bu, “Bakı Kart” vasitəsilə həyata keçirilən xidmətdir: “Biz “Baku Bus” olaraq həmin şirkətdən xidmət alırıq. Onların aparatlarının yerləşdirilməsi bizim tərəfimizdən həyata keçilmir. Ancaq “Baku Bus”-a məxsus trayektoriya üzrə 80 faiz dayanacaqda aparat mövcuddur. Bir məsələ də var ki, dünyanın heç bir ölkəsində kart aparaları bütün dayanacaqlarda quraşdırılmır. Bu aparat kifayət qədər məsrəflidir və sərnişin artıq evdən çıxdığı zaman müəyyən məbləği öz xərclərinə uyğun cibinə nağd şəkildə qoyduğu kimi, karta da müvafiq məbləği yetərli şəkildə yükləsə bu problem yaşanmaz deyə düşünürəm”.