"BakuBus" avtobusların gecikmə səbəbini açıqladı

Bakı sakinlərindən bəziləri sosial şəbəkələrdə bu gün səhər saatlarında avtobus problemi ilə üzləşdiklərini bildirib, o cümlədən 3 saylı marşrut üzrə hərəkət edən avtobusların yarım saatdan artıq gecikməsinə görə "BakuBus"u ittiham ediblər.

Avtosfer.az xəbər verir ki, "Bakubus" MMC-nin Mətbuat və ictimaiyyətlə əlaqələr  şöbəsinin müdiri Mansur Piriyev məsələyə aydınlıq gətirərkən problemin "BakuBus" avtobuslarından qaynaqlanmadığını qeyd edib:

"Bu gün səhər saat 08.50-dən 09.55 -dək Respublika İncəsənət Gimnaziyasından Milli Məclisə, oradan da "Oxford" məktəbinə qədər yollar bağlı olub. Bu səbəbdən də 3 nömrəli avtobusların intervalı müvəqqəti olaraq pozulub. Ancaq indi hər şey qaydasındadır".

Şöbə müdiri belə hallarla rastlaşan vətəndaşlara hadisənin səbəbini və çıxış yoluunu öyrənməsi üçün dərhal *4242 nömrəsinə zəng etmələrini tövsiyə edib.