Balakəndə keçirilən əməliyyatla bağlı məlumat

Daxili İşlər Nazirliyi Balakəndə keçirilən əməliyyatla bağlı məlumat yayıb. Avtosfer.az nazirliyin saytına istinadən verdiyi xəbərdə deyilir ki, Balakən RPŞ əməkdaşları tərəfindən şəhər sakini Elçin Alvasovun evinə baxış keçirilib.

Oradan 1 kiloqram 105 qram marixuana, xaricdə istehsal edilmiş nömrəsiz “Revolver” markalı tapança, 7 ədəd müxtəlif çaplı patron, gecəgörmə cihazı, müxtəlif ölçülü kameralar, mobil telefonlar, çox saylı mobil telefon nömrələri, 2 ədəd noutbuk, kompyuter hissələri, həyətində isə müxtəlif banklar tərəfindən axtarılan “BMW”, “Mercedes” və “VAZ-21015” markalı avtomobillər, habelə “Lexus” markalı avtomobilə aid dövlət qeydiyyat nişanları aşkar edilərək götürülüb.