Balaxanı yolunda hərəkət məhdudlaşdırılır - XƏRİTƏ

Asfalt-beton örtüyünün yenilənməsi ilə əlaqədar bu gündən Xırdalan-Binəqədi-Balaxanı avtomobil yolunun Zabrat-Maştağa yolu ilə kəsişməsindən Balaxanı qəsəbəsinə qədər olan hissəsində avtonəqliyyat vasitələrinin hərəkəti hissə-hissə məhdudlaşdırılacaq. "Azəravtoyol" ASC-dən Avtosfer.az-a verilən məlumata görə, məhdudiyyət 2 gün ərzində qüvvədə olacaq. "Sürücülərdən aparılan işlərə anlayışla yanaşmaları xahiş olunur və alternativ yollardan istifadə etmələri tövsiyə olunur", - deyə məlumatda qeyd edilib.