Baş həkim: İkinci dalğa daha şiddətli olacaq

Koronavirusun ikinci dalğası əvvəlkindən daha yüksək olacaq.

Bu barədə rus həkim Denis Proçenko "Gəlin danışaq” şousunda deyib.

Onun sözlərinə görə, xəstəliyi ağır keçirən xəstələrin sayı artıq artıb.

"İkinci dalğaya yaxınlaşırıq. İndi payız mövsümü üçün tipik olan soyuqdəymə halları ilə koronovirus infeksiyasını ayırmaq çox çətindir. Anlamalıyıq ki, bu il koronavirusun səbəb olduğu xəstəlik halları digər virus növlərindən daha yüksək olacaq”, - o, əlavə edib.

Proçenko bu mövsüm vəziyyətin daha təhlükəli olduğunu, lakin tətbiq olunan məhdudiyyətlərin risklərin minimuma endirilməsinə yönəldiyi də bildirib. O, bir daha xatırladıb ki, COVID-19 əlavə xəstəlikləri olan insanlarda vəziyyətin pisləşməsinə gətirib çıxarır.

Nərminə