Bərdədə "moyka"dan oğurluq edən dostlar tutuldu - FOTO

Bərdə rayonunda oğurluqla məşğul olan iki dost tutulub. "Report"un verdiyi məlumata görə, rayonun Alacadırlı və Zümürxan kənd sakinləri Tural Baxşəliyev və Anar Mahmudov onlara məxsus avtoyuma məntəqələrindən par aparatlarının naməlum şəxslər tərəfindən oğrulanması barədə Bərdə rayon Polis Şöbəsinə (RPŞ) ərizə ilə müraciət ediblər. RPŞ-nin əməkdaşlarının apardığı əməliyyat-axtarış tədbirləri nəticəsində, oğurluqda şübhəli bilinən iki nəfər -  rayon sakinləri  Sürət Mirzə oğlu Sərhadov və Namiq Tofiq oğlu Abışov saxlanılıblar. Onlar izahatlarında satmaq məqsədi ilə avtoyuma məntəqələrindən par aparatlarını oğurladıqlarını etriaf ediblər. Polis oğurlanmış iki ədəd par aparatlarını maddi sübüt kimi götürüb. 

Faktla bağlı Bərdə RPŞ-də cinayət işi başlanılıb, istintaq aparılır.