Bərdədə taksi sürücüsü sərnişin üstündə o biri sürücünü bıçaqladı

Bərdə rayonunda bıçaqlanma hadisəsi baş verib. Avtosfer.az "Report"a istinadən xəbər verir ki, hadisə rayonun Lək kəndi yaxınlığında qeydə alınıb. Belə ki, rayonun Bəcirəvan kənd sakini Mətləb Xanlarov həmkəndlisi Ramil Şükürovu bıçaqlayıb.Yaralı ətrafda olan insanların köməkliyi ilə Bərdə Rayon Mərkəzi Xəstəxanasına yerləşdirilib. Polis hadisəni törətməkdə şübhəli bilinən R.Şükürovu saxlayıb.

Faktla bağlı Bərdə Rayon Polis Şöbəsində araşdırma aparılır.

Qeyd edək ki, hadisəyə səbəb taksi fəaliyyəti ilə məşğul olan iki həmkəndlinin sərnişin götürmək üstündə mübahisə etməsi olub.