Bərdədə yerləşən körpüdə çatlar yaranıb – FOTO

Bərdə şəhərində yerləşən körpüdə təhlükəli vəziyyət yaranıb. Avtosfer.az-ın APA-ya istinadən xəbərinə görə, Tərtərçay çayının Bərdə şəhərinin mərkəzindən keçən hissəsində quraşdırılan beton konstruksiyalı yol ötürücüsünün üzərindən ağır yük maşınlarının keçməsi nəticəsində çatlar və 10 sm çökmə yaranıb. 43 saylı Yol İstismar İdarəsi MMC-nin rəisi İlham Əzimovun bildirdiyinə görə, problemin aradan qaldırılması məqsədi ilə tikinti işlərinə başlanılıb.