Berlində avtomobil partladılıb, ölən var

Berlində avtomobil partlayıb. APA-nın “Associated Press”ə istinadən verdiyi məlumata görə, sükan arxasında olan sürücü ölüb. Berlin polisinin mətbuat xidməti rəisinin müavini Karsten Müller bildirib ki, hadisənin partlayıcı qurğunun işə salınması nəticəsində baş verdiyi güman olunur. Berlin prokurorluğu isə sürücünün avtomobilin altına qoyulmuş partlayıcını işə salmaqla özünə qəsd etdiyini istisna etmir.

Ölənin 43 yaşlı türk əsilli şəxs olduğu bildirilir.