Beş beynəlxalq istiqamət üzrə gediş haqqı bahalaşdı - Cədvəl

Azərbaycandan bir neçə beynəlxalq istiqamət üzrə avtobuslarda gediş haqqı bahalaşıb. Avtosfer.az-ın a24.az-a istinadən xəbər verir ki, bahalaşma İstanbul, Batumi, Moskva, Kazan və Təbriz şəhərlərinə olan reyslərdə özünü göstərib. Belə ki, əvvəllər 35 manat olan Batumi bileti hazırda 40 manata, baqaj haqqı isə 3,50 AZN-dən 4 manata yüksəlib. Moskva istiqamətinə gediş haqqı 80 manatdan 100 manata, baqaj qiyməti isə 8 AZN-dən 10 manata qədər bahalaşıb. Kazan bileti 8 manat artaraq 100 AZN, yük qiyməti isə 9,20-dən 10 AZN-ə qalxıb. Təbriz biletinə gəlincə, 25 manatdan 30 manata qədər yüksəlib. İstanbul istiqamətinə marşrutda isə bahalaşma özünü baqaj qiymətlərində göstərib. Belə ki, 10 manat olan baqaj haqqı 15 AZN-ə yüksəlib.